懷孕可以舒緩病情？

今日(一月二十六日)睇報紙見到，同我一樣患有強直性脊椎炎的蔡少芬(Ada)，因為懷孕可以舒緩病情。

【轉載自明報】早前有報道指她患上強直性脊椎炎，問到腰患對懷孕可有影響？Ada說：「其實結婚前腰部已經有事，沒有說可否醫得好，痛時就要食藥控制，但有了BB後，反而腰部不再痛亦不需要食藥。」

莫非，我都要學蔡少芬咁懷孕先可以令到腰部唔再痛？囧~

 

不能言語形容的痛

昨日(一月十九日)，經歷了暫時以來我最痛的一夜！

相信又發病了！

朝早起身返工時，都有少少痛，但唔嚴重，仲可以頂得住。

但到了夜晚，突然右邊髖關節好痛，但仲郁得！我仲講笑話，呢幾日會落雨喇！

點知隔左無耐，變成劇痛，果種痛法，我相信係神經線被壓著的痛！當場右邊腰部以下係唔郁得，行唔到，坐唔到，訓唔到。要靠左腳就力企係度，好慢好慢咁郁少少。

果一刻，我感受到癱瘓帶來的不便，同痛楚！
果一刻，我好想喊，真係好痛，但我喊唔出！

最後爬左好耐，先爬到去床邊，跟住搞左好耐上到床訓！

點解我咁命苦… 嗚~~

 

Intel在韓國找「少女時代」代言