パパとムスメの7日間（父女七日變）

最近追緊一套日劇
パパとムスメの7日間（父女七日變）
http://www.tbs.co.jp/papa-musume7/

故事係講述一次父女同乘的電車遭遇事故，機緣巧合下兩人互換了身份。父親變身成為女生開始了高中生活，不得不應付男朋友的約會。因為介意自己的裸體被看到，女兒一聲令下，父親不得不閉著眼睛泡澡。趣事不斷的鬧劇就要拉開帷幕。

好搞笑… 館博(爸爸) 做得好搞野~ 而家仲播緊第四集…

 

變型、蟲蟲

星期六的節目，選擇左MegaBox睇早場。

第一次去MegaBox，路程總算順利，好易搵。十一點幾已經要泊到上15樓，頂！轉到頭都暈埋！(@_@)
泊好車，拿拿臨就去搵戲院入場。
今次睇「變型金剛」。正！呵~~
生於七八十年代的，應該都有睇過呢套卡通。柯拍文、大黃蜂、麥加登、星星叫、音波、爵士等…耳熟能詳的名字。
隔左咁多年，終於都由番老外拍成電影版。

故事唔錯，笑料亦都唔少。唯一唔好，就係d 機械人同以前卡通果時好大分別，電腦版無美感。
麥加登由一把手槍，變成一加戰機。一_一||||
當然呢d 動作卡，又係由頭打到尾咁制。劇情交代位置因為加入一d 笑料，所以都無乜悶場。
最後，又係留下伏線拍第二集啦…
遲d 出DVD/HD-DVD都會買番黎睇多次。

睇完戲，係MegaBox行一陣，真係好大，行得兩三層。行左間Spotlight，簡直好似將深水埗搬左入去咁。
有窗簾布，手工勞作、開party用品，穿珠仔，床上用品。大到暈。但相信係香港生存得唔耐。
之後去搵下野食。去左一間叫目黑的壽司店食。
食完都差唔多四點幾，之後就走人，向下一站出發。

下一站，就係將軍澳東港城，睇果個「奇異爬蟲展覽」
開頭以為有得影相，帶晒野去，點知原來無得影。好失望。
行到最後，得一隻紅火蜥可以影，唯有捐十蚊雞去影番一輪。
睇完都六點幾，加上東港城真係無乜野好行，指示又唔清楚，搵左好耐先搵得番條路去停車場。

之後就返去沙田join屋企人食晚飯就返歸lu~

 

賣相

上次咪話好慶幸有間澳門雜誌公司會考慮搵我d 相做封面
早果輪，佢地覆我，話已經用左一張做封面… 個背景~~
好開心，原來我個gallery係有人睇架… 哇哈哈哈~~

果本雜誌叫「新生代」，係一本澳門年輕人雜誌，季刊黎架，要成$20一本。
個內容好正面，類似香港突破果d 組織。

佢地咁岩今期講澳門博彩業，所以先會搵到我d 相去做封面
果時佢話搵左幾張原本我都覺得好正的相去做封面，可惜佢地總編話太著重某幾間賭場，所以不錄用。
我以為今次都係泡湯了，差不多唔記得件事。
早幾日，同我講話已經印好左書，用左張去做背景喎。好突然… 仲約話書展時過黎俾番d 相錢我。

尋日去書展，收到個無來電電話，先記得約左佢，我d 記性都係好差 一.一||| （哈哈哈~）
傾左一陣，收到錢同本製成品，之後就繼續各走各路lu~

雖然唔係好多錢，但都好開心架！呵呵呵~~~
最後咪係銅鑼灣度食晒佢… 嘿嘿嘿~~~

 

加辛風雲。第三話

上回提及︰因為K & M令到W知道我地要提早接手新工作

今朝A已經叫人拎番晒d 工作
我仲問佢要邊份，點知話全部拎番喎
仲打黎話W已經同佢講左，話佢會拎番d 野先，留番開學後先再接手

最後W又問我A係咪已經拎番d 野，
咪答佢話全部拎番
佢話「一係唔拎，一拎就拎晒？哦，咁好啦。」就收線了

Hmm… 其實今次咁… 搞到我覺得唔知點咁…
A實覺得我係一個唔合作的人… 呢劑大鑊…

但又真係當初W 話開學之後先要接手架嘛…
同埋一向呢d 咁o既接手工序都係開定學先做…
點解佢地個school d 人咁奇怪架….

 

加辛風雲。第二話

上回提及︰A已急不及待地將d 野交俾我follow
原來，K係星期五同W提及呢件事
W都感到錯愕，表示不太認同

今日M亦受到R的迫害，已接手新課程
講真都幾搞野，新老闆都未出現，就已經要人去接手
係咪傻傻地架??

終於W都出手了
係收工前同我講
話已經同A講左，應該舊的照舊佢地follow，新果d 先俾我做。
但佢會點做就唔知喇。

點都好啦，總算都叫有人幫手出聲。
多謝K~ 哈~~

其實，我都未睇過要接手果d 野
無時間加無心情去理佢

希望A，真係會搵人拎番d 野，留番開學後先要我follow啦~

 

執位、加辛

又輪到新一輪執位加辛潮喇
呢度風氣係咁，隔無耐就會同你地轉一轉d 野
驚你未死得咁

今次，真精彩
由2個Programme + 1個GE
變成3個Programme

3個Programme內有8個Progreamm Years加2個Committee
正爆！呢次實屎硬！

星期五聽完個Handover… 聽到一半已經想爆粗

果日W明明話，寫就寫16 July Effective，但會係開學後先要follow
點知而家已經交晒俾我接手，仲出埋email。

聽聞今次執位，事因有人唔做得野，所以連累眾人要負責那人的工作
真係頂佢個肺！

唉，原本已經夠煩，之此以後仲煩。
J 已經夠煩，好似以為我淨係服侍佢一個咁，成日催我交野。Email 就咁forward算，唔會del 一d同我無關的file。
A 聽聞做好多無謂野
再聽聞，CL會將一年級分俾E小姐，二年級繼續W follow
如果真係的話，4個亞姐！

勁煩…到時真係唔該4位拎張飛仔先叫我做野，我唔知要做邊個果樣先，個個都話趕。
同埋唔好一個email forward 4次。我無咁多位。

 

死硬4.0

正~ 由頭打到尾~
導演（連韋斯曼(Len Wiseman)）果然有d 料到

Diehard真係愈拍愈癲
上次就炸地鐵，爆格，炸地下水道
今次就炸白宮，又炒直昇機，又玩戰機，又爆天橋

情節同第三集有d 相似
反派假份政府人員（警察vs社會褔利局），利用政府車輛（垃圾車vs危險處埋車及戰機）去犯罪/達成目的，破壞城市（炸地鐵，水渠vs炸能源廠，天橋）
但無左第三集果種出乎意料的劇情

最近好多舊戲都繼續開拍續集
黎緊仲有奪寶奇兵系列~ 仲要用番舊班底。正！