不吐不快

食完飯，坐係度，唔幫手執碗
人地執好晒d 碗，坐係度，唔幫手洗碗
自己整完野食，唔洗番晒d 用具
廁紙用完，又唔換
天氣熱駛辣辣，都仲要日晚開熱水爐沖涼
沖涼又沖成幾個字，開住個花灑
放工，坐小巴上黎都唔得，一係的士，一係要司機

唉…你係外人黎咋，仲未係自己人黎架！你未入門架！

做下樣都好丫~ 坐係度… 又唔做…

話你又唔關我事！但睇住你咁我又唔抵得！

好火滾！！

 

番禺百萬葵園之旅

昨日去完番禺百萬葵園
係場內看盡祖國人民的醜態
隨便可以摘下成技葵花，食葵花子
不停地屈折櫻花影相同留念，不停搖動櫻花製造落花瓣效果影相
在草叢中大便，仲要係我地十幾人睇住都可以繼續
總之個場配套差，洗手間缺乏，男廁當女廁，無管理人員，
場地又大，但沒有地圖派發，沒有足夠指示牌
真係好差好差~ 仲衰過濕地公園。入到去好似去左年宵市場。
無mood加天氣唔好，所以影得好少。
等有心情先再執相啦~~

全日最正係車程
一行十三人，因識人所以包了一架20座小巴
全日來回車程大約四小時
全程七條友係度孖寶賽車，好鬼正
癲晒~ 哈哈~~~

 

Youtube大電影

近年Youtube人氣旺盛。引來不少港人拍片上網分享。
而家特別搵黎三套大電影同大家分享。嘿嘿~

「吉之島亞姐」
故事講述一位亞姐，到吉之島要求職員為她的MP3機入歌。但因職員因版權問題不能幫助而在現場不停自言自語地辱罵職員。
影片中，可見呢位亞姐口齒伶俐，亦對吉之島情有獨鍾。已經多次光顧吉之島，顯然係熟客仔一名。係片中，呢位亞姐不停提及劉德華的金句，可見劉德華已深入民心，莫非遲d 真係好似林海鋒所講，真係會有「劉德華文化」出現？
http://youtube.com/watch?v=irx3lVsnk0g
http://youtube.com/watch?v=pCWYe21raBQ

「旺角街頭打女人掟煲事件」
故事講述一對年青情侶在旺角上演一幕街頭劇。男的先以一招side kick將女事主踢開，之後不停粗口問候，繼而被警方拘捕。
係片中，女主角無用替身，非常專業！男主角亦表演得淋漓盡致！真係文又得，武又得。直頭可以拎最佳男主角。最後相信男主角係比較低調的人，不喜歡被人拍照。
http://www.youtube.com/watch?v=WoRJOozDSLU
http://www.youtube.com/watch?v=9m8DGh0KWNc
http://www.youtube.com/watch?v=Oo3jh9VcZ4o

「無入錶泊車被人炒牌，反罵正義朋友」
故事講述荃灣一個大型公眾停車場發生的一椿抄牌事件。數名因無入錶泊車而被警員炒牌的市民，因不滿而與在場警員理論。
係影片中，可見一名女事主同兩名男事主，分別因為無入咪錶泊車而被到場警員截停炒牌，因不滿被炒牌，而擺出各式各樣的理由，與警員理論。係片中，各警員非常好禮貌，亦將事件的始末詳細地交代給事主知，真係值得一讚。而那數位市民，顯然係該停車場經常進行該等「違泊的良好市民」。而拍攝呢段片的人，真係以為有片為證就可以無理取鬧。請容許我一句，你地真係好on 9！
http://www.youtube.com/watch?v=cf2FvkE520g
http://www.youtube.com/watch?v=K-MBcjUMAQs&NR