RSS

Monthly Archives: February 2007

又有毒

今日睇到新聞,又有病毒散播。
其實每時每刻都有人中招。
但試問,點解會有咁多人中招呢?

原因好簡單,就係d 人見link就click,見email就forward出去。
唔好以為一個你識的人send俾你就係安全先得架!

大家記住link唔會亂click,睇緊webpage時都係咁話,
先睇清楚條link係去邊先會click,即係睇清楚個browser下面條status bar display果個link地址。
又或者可能你click左條link表面上無事,其實你已經中左招,
係背後你已經幫佢散播緊。

仲有forward email係一個好無謂的動作。
一個email要forward出去幾十人,果幾十人又分別forward出去幾十人…
咁個email server就要處理幾百幾千個request
因為咁令到收發速度減慢,甚至拖垮埋個server…

唉……

Browser自FireFox (FF)推出以來,我已經轉用FF了。
雖然有部份webpage仍然依賴漏洞多多的active x (Microsoft的「偉大」發明)以致顯示或操作上有問題。
但用IE睇都未見到好得去邊。去一個webpage彈幾十個pop-up,再唔係就要你裝呢樣果樣…怕怕怕~~
FF有一樣好處,可以俾你裝add-on,最正係一個可以block晒所有廣告的plug-in。
以小弟最常去的新聞紙網頁,一段新聞可以有好多個廣告出現,用FF就可以filter晒d 廣告,load得又快,睇得又清楚。
而家新的IE7先有的「分頁瀏覽」、「防釣魚網頁」等等技術,FF係年多前已經有。
FireFox真係一個好好的browser!首推!呵呵

《轉載自零七年二月七日,明報港聞》

MSN傳新病毒
破壞力待查 專家籲勿亂開超連結
2007年2月7日

【明報專訊】電腦病毒透過MSN傳播,開始成為新趨勢。多名香港網民投訴,近日一種罕見病毒冒認MSN用戶的好友發出信息,訛稱某網址有事主的相片,引導MSN用戶點選進入含病毒網址,終導致電腦受感染。電腦保安事故協調中心證實近日已收到數宗相關投訴。

電腦保安事故協調中心經理古煒德關注事件,他指出,自網民對電郵病毒提高防備,去年開始出現數種病毒改用MSN、ICQ這類即時網上通訊軟件來散播病毒,疑因有關保安能力較低,用戶的警覺亦較低。

他提醒網民,若見友人透過MSN送來可疑的網站超連結,切勿開啟,或應先詢問該友人超連結的真偽;另外,所有附加檔案應掃描病毒後才打開(防病毒及解毒法見表)。

發假信息稱「看見你的相片」

綜 合多名網友在本港數大討論區訴苦,這種電腦病毒感染電腦後,會按電腦內的MSN地址簿向中毒者的朋友發出如下MSN信息「Heeey! I found a picture of you online, Haha look at your face」,信息並附有圖片的超連結 (www.viotagallery.com/PIC/……),邀請朋友點選觀看相片。

若MSN用家依言點選網址,電腦便可能中毒,然後病毒又會利用中毒者的MSN地址簿繼續向其他人播毒。古煒德說,由於該圖片網站已刪除該病毒,他希望從其他防病毒公司尋得病毒樣本,以了解病毒會否對電腦產生遺害。

明報記者 陳志偉

Advertisements
 
Leave a comment

Posted by on February 7, 2007 in Uncategorized

 

真係咁q 邪

我頂丫…. 又撞….

都聽到部車個防盜叫,以為樓下開車門撞到
點知等一陣上黎話我知出車時撞到,怕我聽日返唔到工,要我落去睇下
我心諗,x丫,又撞?有幾嚴重呀,返唔到工?

落到去,我…x…駛唔駛撞到咁應呀?

成隻門凹晒!上次左邊,今次右邊!
閂門都要用力先閂到。連窗都落唔到。

我見到真係哭笑不得。
想爆粗,但見佢個女係靚女先留口!嘿嘿…

唉,我想換車。都唔駛咁快俾個籍口我嘛…
我仲未搵到車架!頂…

 
Leave a comment

Posted by on February 4, 2007 in Uncategorized

 
 
%d bloggers like this: