煩．好煩．勁煩．超煩

搞結婚真係好煩
未搞到入戲肉已經好煩

搵日子已經好煩
原本諗住明年搞
而家屋企人話去搵完師傅問，最好今年喎
下年結就唔長久喎

隔離果個又嘈住話而家搞結婚好似唔係我地兩個事
係我屋企自己幾個人事喎，要就呢樣果個…

信，又話好似唔係我地兩個人事，就呢就嚕
唔信，又話唔好逆屋企人耳

咁想點??

我自己對呢d 野不嬲都唔太信，我自己大約真係信1-2成
我覺得咁早知道d 野有乜用？知道到左唔好嘅，又心驚膽跳、成日形住形住
好嘅，到時真係無預期中咁，空歡喜一場又點呢？

你信就咪跟囉，你唔信咪唔好理囉，照原定計劃囉…

唉~~ 好煩~~ 勁煩~~ 超煩~~

 

2月11日︰你的克勤演奏廳

今年大年初五有特別節目
就係睇李克勤演唱會

由深深深、夏日之神話、大會堂演奏廳（我最愛）到而家
第一次去睇佢的演唱會
四面台，可惜買飛坐側面，佢又好衰咁成日向住成面跳舞
搞到影少好多相 “>_<"
不過唔緊要，聽歌最主要，好正！可惜唱唔晒d 舊歌…
最搞笑係… 唱歲月風雲，由克勤同小剛合唱，但今次的小剛好特別… 哈哈~~


其他的可以去呢度睇
http://gallery.chuenhk.com/v/festival/080211hacken/

 

病到屎下屎下

第一次病得咁辛苦
病到又痾又嘔散晒
係幾厚被窩入面訓幾個鐘
加埋暖水袋
手腳都仲係冰凍 ~_~
又係咁發惡夢… 好憎
又食唔落野… 無味
好慘~~~

而家係訓係床度打blog…