2005年12月30日

仲有一日，2005年就會過去…

呢兩日，聽得最多係「今年好似過得好快咁」。究竟真係過得快，定係每到年尾都係例排呢一句呢？

等我又學下人黎個2005年小總結先 :p

最開心可以話係今年四月經朋友介紹，認識左一班影相的朋友。好好玩，仲學左好多野。亦都開始左我第一次的人像攝影，原來從中有好多學問，打板、燈光等等。由於識左呢班朋友，亦令到我部機相的快門開合次數「正常」地增長。而家影左大約9千張相左右啦！亦由於被呢班好友毒害，今年都添置左兩支鏡頭，24mm f/2.8同10.5mm f/2.8。呢兩支鏡真係令我愛不惜手！尤其新歡10.5mm，真係好好玩！

CarFamily活動多！真係無錯！由私家車，保齡球，高爾夫球，Battlefield 1942，Battlefield 2，到最近大熱的Mini-Z都有！唔知日後會有乜搞呢？哈~~ 同佢地玩都好開心架，可惜係我手車及佢地好啦同埋部車殘舊… 😦

工作方面都係咁啦…合併左之後，搬埋office地方大左，舒服左！運作上同以前無分別！但亦因為一d無謂原因，我亦都變成一個「新同事」。算啦，平常心，唔好理咁多！

最後，唔知下年又會係點呢？

最緊要係事事都平平安安！身體健康！就足夠了！

 

聖誕完了

總結… 無乜特別野做過…

23號晚同Maggie的朋友打邊爐，之後去Tony家玩左一陣

24號去左睇四眼雞丁，係新城市影左一陣相，之後返屋企附近大排檔打邊爐

25號成日係屋企無野做，打機

26號打左半日機，夜晚出去CarFamily聖誕聚會

 

好凍好凍!

今朝落車度… 一睇… 得6.9度咋… 頂！好q凍呀！
一著車，支油針仲下跌一格，嚇q死我！

 

魚眼鏡，真好玩！

真係好好玩！唔捨得換鏡！>_<
好得意！好正！

 

凍凍的冬至

好凍好凍 >_<
落到去車度，睇個溫度計，得9.5度！
又凍又大風！吹到部車都唔穩！

今日冬至，收三點半！
可能出去尖咀果度影下燈飾

 

無啦啦，唔見五兜野

頂丫！去收printout時…
個同事話︰「岩喇，見到你，贊助我去環島行！」
跟手就將張form俾我睇喇，一望已經見到有十名受害者(其他同事)
俾到我，即係叫我俾錢啦，咁多同事名，唔通我話唔好咩又…
一陣又唱我孤寒！唉！真係無奈！

 

終於買到了

尋晚終於有一個影友係旺角幫我搵到支鏡頭喇！好開心呀！
嘻~~ 好好玩~~
但係唔係好識點玩，下次出黎要請教下人先！ ^_^

Sample:

 

又抽獎？

亞姐話拎多$200出黎分四份俾我地抽獎…
結果係…好好彩咁，被我抽到$50！嘻~~~~
$50都好過無丫！好窮呀！ >_<"

 

魚眼，作戰失敗…

行晒旺角咁多間影相舖都搵唔到支魚眼，真係激死我！
行埋尖咀幾間出名的都無得賣！頂！
想送份聖誕禮物俾自己都唔得！個天真係唔想我買野？！

 

話咁快又輪到換證喇

香港智能身份證換領計劃預約服務

由即日起，所有1974年、1975年、1976年或1977年出生的現有身份證持有人，現已可以透過生活易預約換領智能身份證。

根據《人事登記條例》，在限期後換證而又無合理解釋者，最高可被罰款$5,000。為免延誤，請盡快預約換證。

 

如果您是

• 1974年或1975年出生的現有身份證持有人
• 1976年或1977年出生的現有身份證持有人