RSS

Category Archives: 得閒兩句

Paramount Pictures 100 years 派拉蒙影視創立 100 週年海報

今年正是美國知名的派拉蒙影視公司 Paramount Pictures Corporation 創立 100 週年。

日前派拉蒙正式推出了一張 100 週年紀念海報,將一百部經典電影,以電影中的片段、標誌、人物、物件等,繪成小圖案陣列出來。

未知各影迷,又認得出幾多個呢?

via Blogger http://iamchuen.blogspot.com/2012/06/paramount-pictures-100-years-100.html

Advertisements
 
Leave a comment

Posted by on June 7, 2012 in 得閒睇戲, 得閒兩句

 

Tags:

我的媽媽

好多時都會聽到有人話我媽:

「你好厲害啊,一個人可以‧‧‧」
「你咁大年紀,仲可以‧‧‧,服咗你喇」
「你休息下啦,唔好成咁辛苦啦」

其實何解她要這麼勞碌?不能停下來休息?當然因為我不才,賺不到錢令她不能停下來好好休息,又或者跟她自少的經歷有關。

我媽出生在一個很普通的家庭,一家五口,是大家姐,一個妹,一個細佬。生活水平不太好。我媽小學時外公就離世,大約初小時(小學一、二年級左右) 就已經要輟學外出打工賺錢養家。由於初小已輟學,學識不多,所以祇有靠車衣,穿膠花等勞動工作糊口。住的是閣樓中的板間房。舅父會負責在家中煮飯。(但亞姨的工作,我從來都未有聽聞過。)

到我出世時,我還記得住的是塘尾道天台屋,夏天熱到嘔。上幼稚園班時,是要到沙田。可能當時已申請了公共房屋,所以便要每天山長水遠地由九龍到沙田上學。

我媽為了賺點錢幫補家計,不時接一些手作工作。 每次都要入滿好幾過大紅白藍袋。後來因工廠業務都搬到內地,就再沒有這類型的工作了。接著就幫朋友揍小朋友。我還記得應該分別照顧了大約最少三個小朋友,由剛出世幾個月開始揍到大約三四歲左右。沒有再揍小朋友後,又轉為替辦公室做清潔工作。

近年,不幸地一次意外跌傷了腳掌,行動不便,再加上侄仔出世,便退休,全職照顧侄仔。

經過長年累月的不停工作的訓練,變得銅皮鐵骨。曾經試過停下來就會生病,真的好奇怪!

最近真的生病了,現在正接受治療中。

我點解會寫呢篇blog?因為現正在醫院等待她進行手術中,隔幾天又母親節,突然就有呢個想法,想寫下自己的記憶。

 
Leave a comment

Posted by on May 11, 2012 in 得閒兩句

 

Tags:

離線版 Gmail, Calendar 及 Docs

Google 終於為 Chrome 用戶推出 離線版的 GMail, Calenda 及 Docs 服務。去年 Google 已停止支援使用 Gears 作為離線 GMail,取而代之就是今天公佈的,使用 HTML5 技術作為離線作業平台。

如要享用此離線版服務,要到 Chrome Web store 安裝有關的 web app

安裝後,在 Chrome 的新頁面中就會多了一個 Offline Google Mail 的圖示。從此就可以在沒有連線的情況下使用 Google Mail 了。

至於 Calendar 及 Docs 到目前仍然未有離線版本,但 Google 表示,將於稍後數星期內推出。方法將會時登入了 Calendar 及 Docs 後,點選右上角的齒輪後,就會出現相關的選項。

 
Leave a comment

Posted by on September 1, 2011 in 得閒兩句

 

Tags:

HOME (English with subtitles) on Youtube

HOME on Youtube

HOME 記錄片可以免費在Youtube收看。

http://youtu.be/jqxENMKaeCU?hd=1

 
Leave a comment

Posted by on May 11, 2011 in 得閒兩句

 

Tags: ,

自家釀制梅酒

P145 P147 P149 P151 P153 P155
 
Leave a comment

Posted by on May 10, 2011 in 得閒兩句

 

Tags: , ,

每人派$6000,真係咁值得開心?

今年財政預算案,真係峰迴路轉!果頭話無改善空間,呢頭就話可以派錢!以下係香港政府新聞網,發出的消息︰

曾俊華:派發6000元取代注資強積金

2011年03月02日

財政司司長曾俊華說,聽取市民意見後,決定撤消財政預算案中注資強積金的建議,改為向全港18歲以上,持有香港永久居民身份證的市民,派發6,000元現金。

曾俊華今天(3月2日)與部分立法會議員會面後表示,市民可按本身需要和意願,全數提取這筆現金,措施亦會加入鼓勵儲蓄的元素。他相信計劃已覆蓋大部分香港市民,包括公務員、家庭主婦和已退休人士。

另外,他又建議寬減薪俸稅和個人入息課稅,幅度和去年一樣,即寬減應繳款項75%,上限是6,000元。

曾俊華表示,希望以上措施能藏富於民,並且回應市民的需要和訴求。他說針對未能夠受惠於計劃而有特殊需要的市民,會作出其他安排,額外預留一筆款項另作處理。

URL: http://www.news.gov.hk/tc/categories/finance/html/2011/03/20110302_103554.shtml

我贊成係,今次d 錢真係落到市民手中,唔駛自己未拎到舊錢,已經益晒班基金管理人!政府終於都肯聽取意見,有所讓步!

但我要反對,點解會係會見完建制派先有呢個改善方案呢?之後各市民的意見唔係意見?為左要安撫佢地,令到呢個預算案可以通過?

仲有點解要派錢俾全部滿18歲以上香港市民?點解要納稅人出錢派俾一班未有或從來都沒有對香港社會作出貢獻的人?

其中,所有滿18歲的學生,無端端又多$6000用!生性的就會話用黎交學費、用於正途!唔生性果d ,咪咩囉… (自己諗下啦)

最令我不滿係,領綜緩人仕,可以出「雙糧」,又可以拎多$6000,幾鬼發呀!我唔係話唔應該幫助綜緩人仕,但當中其實有不少害群之馬,呃飯食,坐係度等收錢過活!

其實個派錢方法係咪可以改善下呢?或者唔係任何人都可以收到錢呢?

同埋今年推出得呢個方案,咁之後係咪又要繼續落去呢?錢從何來呢?香港稅階咁窄,遲早又係唔夠派,各位納稅人又要繼續努力生活了!

 
Leave a comment

Posted by on March 2, 2011 in 得閒兩句, 政府預算案

 

Tags:

2011-12年度財政預算案

2011-12年度的財政預算案今日公佈了。

當中提到的紓緩措施,唔知你又能夠受惠幾多呢?

向每個電力住宅用戶戶口提供1,800元的電費補貼,惠及約260萬用戶,涉及開支約為47億元。
呢$1800,唔知夠用幾耐呢?

寬免2011-12全年差餉,以每戶每季1,500元為上限。估計約82%物業在新一年度不用繳交差餉,政府收入減少約99億元。
唔關我事,我沒有物業

為公屋租戶代繳兩個月租金,涉及開支約為19億元。
又唔關我事,我唔係住公屋!可唔可以幫我地呢d 租私樓的交租一個月?

額外發放一個月的綜援、高齡津貼及傷殘津貼,涉及額外開支約為19億元。年中並會按需要調整綜援、高齡津貼及傷殘津貼。
又係唔關我事,未領綜援、唔係長者、更唔係傷殘!

調高供養父母或祖父母的免稅額和長者住宿照顧開支的扣除上限20%,約51萬名納稅人受惠,政府收入減少5億7,000萬元。
我要多謝我亞媽,為我帶來多20%的免稅額。

調高子女免稅額20%,約30萬名納稅人受惠,政府收入減少6億5,000萬元。
我未有子女,所以都係唔關我事。

預留240億元向合資格人士的強積金戶口一次過注入6,000元,加強市民退休後的保障。
又係唔關我事,我唔係供強積金人士。就算係,入$6000去戶口,要等到退休先可以用到。即係最少都要等三十年先用得。到時呢$6000可以買到d 乜呢?一粒糖?價值一呎的樓價?

額外預留1億元,在有需要時撥款延續「短期食物援助計劃」。
呢個計劃要點申請?我想申請喎!

發行50億至100億港元的「通脹掛鈎債券」,促進債券市場發展,亦可為市民提供多一個應對通脹的投資選擇。
即係又要問番我地市民拎錢?咁都叫紓緩措施?

總括而言,又係幫唔到我呢類叫做中產的市民。睇黎以後你一係要做個有錢人就唔駛怕啦,一係就做窮人,拎綜援住公屋先以係呢d 所謂紓緩措施中受惠!

 
Leave a comment

Posted by on February 23, 2011 in 得閒兩句, 政府預算案

 

Tags:

 
%d bloggers like this: